Bos días familias, como xa saberedes este mes rematan as clases por iso me gustaría informarvos de varias cousas:
* Esta será a última semana na que mandaremos tarefas a través do Bolgue, pensamos que tanto vós coma os vosos fillos xa fixestes un esforzo moi grande durante estes últimos e difíciles meses para todos. Por iso a partir do 12 de xuño deixaremos de publicar tarefas no Blogue.
A pesar de que non mande tarefas, recordade por favor, que a lectura é moi importante para eles e que non deben deixar de ler todos os días un pouquiño durante o verán.
* O día 16 de xuño, a partir das 10:30 poderedes pasar polo colexio a recoller o material dos vosos fillos. No voso caso, creo que xa todos levastes os libros, estoxos e libretas. Non sei se recollestes as carpetas que estaban nos pupitres ou calquer outro material que puidese quedar na clase e que sexa voso. Por iso o que considere que ten que vir a recoller algunha cousa poderá facelo ese día.
Para que todo funcione correctamente recordade que temos que seguir unhas medidas de seguridade marcadas pola Consellería de Educación e Sanidade que paso a enumerar a continuación:
- Solo poderá acudir ao colexio un único adulto e en ningún caso pode facelo acompañado de menores.
- Deberán traer mascarilla.
- Esperarase na entrada do colexio ata que un mestre vos acompañe a clase a recoller o material e entrarase de un e un, esperando na entrada a que sexa o voso turno.
- En caso de que haxa máis dunha persoa esperando deberase gardar un mínimo de dous metros entre eles.
- Unha vez recollido o material deberase abandonar as instalacións e non parar a falar con outras familias ou mestres.
* Recordarvos tamén que ese día podedes aproveitar para traer os libros ou películas que teñades da Biblioteca para poder devolvelos. Colocaremos unha mesa na entrada para que poidades deixalos alí.
Se por algún motivo non podedes acudir o día 16 poñédevos en contacto co centro e tentaremos solucionalo.
Un saúdo
